Telugu Laali Patalu : Jo Achyutananda Jo Jo Mukunda - Lyrics and Videos




Telugu Laali Patalu : Jo Achyutananda Jo Jo Mukunda - Lyrics in Telugu :

జోవచ్యుతానంద జోజో ముకుంద
రావె పరమానంద రామ గోవింద

నందు నింటను జేరి నయము మీరంగ
చంద్రవదనలు నీకు సేవ చేయంగ
నందముగ వారిండ్ల నాడుచుండగ
మందలకు దొంగ మా ముద్దురంగ

పాలవారాశిలో పవళించినావు
బాలుగా మునుల కభయమిచ్చినావు
మేలుగా వసుదేవు కుదయించినావు
బాలుడై యుండి గోపాలుడైనావు

అట్టుగట్టిన మీగ డట్టె తిన్నాడే
పట్టి కోడలు మూతిపై రాసినాడే
అట్టె తినెనని యత్త యడుగ విన్నాడే
గట్టిగా నిది దొంగ కొట్టుమన్నాడే

గొల్లవారిండ్లకు గొబ్బునకుబోయి
కొల్లలుగా త్రావి కుండలను నేయి
చెల్లునా మగనాండ్ర జెలిగి యూశాయీ
చిల్లతనములు సేయ జెల్లునటవోయి

రేపల్లె సతులెల్ల గోపంబుతోను
గోపమ్మ మీ కొడుకు మా యిండ్ల లోను
మాపుగానే వచ్చి మా మానములను
నా పాపడే చెఱిచె నేమందుమమ్మ

ఒకని యాలినిదెచ్చి నొకని కడబెట్టి
జగడములు కలిపించి సతిపతులబట్టి
పగలు నలుజాములును బాలుడై నట్టి
మగనాండ్ర చేపట్టి మదనుడై నట్టి

అంగజుని గన్న మా యన్న యిటు రారా
బంగారు గిన్నెలో పాలు పోసేరా
దొంగ నీవని సతులు పొంగుచున్నారా
ముంగిట నాడరా మోహనాకార

గోవర్థనంబెల్ల గొడుగుగా పట్టి
కావరమ్మున నున్న కంసుపడగొట్టి
నీవు మధురాపురము నేలచేపట్టి
ఠీవితో నేలిన దేవకీపట్టి

అంగుగా తాళ్ళపాకన్నయ్య చాల
శృంగార రచనగా చెప్పెనీ జోల
సంగతిగ సకల సంపదల నీ వేళ
మంగళము తిరుపట్ల మదన గోపాల



Telugu Laali Patalu : Jo Achyutananda Jo Jo Mukunda - Lyrics in English :

jo achyutAnanda jo jo mukunda
rave paramAnanda rama govinda

nandunintanu cheri nayamu meeranga
chandravadanalu neeku seva cheyanga
andamuga vari indla aaduchundanga
mandalaku donga maa muddu ranga

angajuni ganna maayanna itu raara
bangaru ginnelo palu posera
donga neevani sathulu bonduchunnara
mungita naadara mohanakara

anguga tallapAkannayya chala
Srungara rachanaga cheppe nee jola
sangathigA sakala sampadala neevELa
mangaLamu tirupaTla madana gOpAla

jo achyutAnanda jo jo mukunda


Telugu Laali Patalu : Jo Achyutananda Jo Jo Mukunda - Videos :






           

No comments:

Post a Comment

Related Posts Plugin for WordPress, Blogger...